တစ်ခန်းမှမရပ်တဲ့ပြဇာတ်

ကံကောင်းလို့လဲမဟုတ်။တိုက်ဆိုင်လို့လည်းမဟုတ်။ကိုယ့်ကြိုးစားမှုကြောင့်လည်းမဟုတ်။
မတော်တဆမှု့လည်းမဟုတ်။ကောင်းကင်ဟာကြည်လင်လွန်းမနေသလို စုတ်ပြတ်သတ်အောင်
လည်းမှုန်မှိုင်းအုံ့ဆိုင်းမနေဘူး။သင်တန်းမှာတန်းပြီးမတွေ့ဘူး။အကြည့်ချင်းမဆုံမိဘူး။ပုခုံးချင်း
ဝင်မတိုက်မိသလိုစာအုပ်တွေ/ဖိုင်တွဲတွေကိုလည်းကောက်မပေးမိဘူး။ဈေးဝယ်ရင်းပစ္စည်းတစ်ခုကို
အတူတူမကိုင်မိဘူး။နာမည်မမေးဖြစ်ဘူး။“တွေ့ရတာဝမ်းသာပါတယ်”လို့မပြောဖြစ်ဘူး။
အကြိုက်ဆုံးအရောင်တွေအကြောင်း။အကြိုက်ဆုံးရုပ်ရှင်ကားတွေအကြောင်း။အကြိုက်ဆုံးစာအုပ်တွေ
အကြောင်း။အကြိုက်ဆုံးဂီတတွေအကြောင်း။မဆွေးနွေးဖြစ်ဘူး။ရလဒ်တခုခုမရကြဘူး။သင်တန်းဆင်းချိန်
အတူတူမပြန်ဖြစ်ဘူး။ဘာစကားမှမပြောဖြစ်ကြဘူး။အိမ်အပြန်လမ်းကွေ့မှာတယောက်ကိုတယောက်
နှုတ်မဆက်ချင်ဆက်ချင်နဲ့ နှုတ်မဆက်ကြဘူး။ရေချိန်ဟာပိုမိုမြင့်တက်မလာဘူး။ဖုန်းနံပါတ်မတောင်းဖြစ်ဘူး။
ဖုန်းဆက်ဖို့တုန်ရင်မနေခဲ့ဘူး။ဖုန်းဆက်ပြီးရောက်တတ်ရာရာ၊ဟာသတွေမပြောဖြစ်ဘူး။ချစ်တယ်လို့ဖွင့်ပြော
ရမှာကြောက်မနေခဲ့သလိုချစ်တယ်လို့ဖွင့်မပြောဖြစ်ဘူး။အဖြေလည်းပြန်မတောင်းဖြစ်ဘူး။အချစ်ကိုယုံကြည်ဖို့
မပြောဖြစ်ဘူး။သူမကလည်းမယုံကြည်ဘူးလို့မပြောဘူး။ဓါတ်ခွဲခန်းတွေမဟုတ်ကြတဲ့အတွက်စမ်းသပ်ဖို့
လည်းမပြောဖြစ်ဘူး။ကျွန်တော်ကသူမမျက်နှာကိုကြည်ကြည်နူးနူးစိုက်ကြည့်မနေခဲ့ဘူး။သူမကရှက်ပြုံးနဲ့
ခေါင်းငုံပြီးတစ်ရှုးတွေလုံးခြေမနေဘူး။သူမက“ကျွန်မစဉ်းစားပါရစေ”လို့မပြောဘူး။ကျွန်တော်က
ဘယ်အချိန်ထိဖြစ်ဖြစ်စောင့်ပါ့မယ်လို့မပြောဘူး။ပတ်ဝန်းကျင်ဟာပိုပြီးလှပမနေဘူး။ရေကန်ထဲခဲတွေ
လျှောက်ပစ်မနေဘူး။ငှက်တွေဘယ်အရပ်ကိုမှပျံသန်းမသွားဘူး။ကမ္ဘာကြီးရပ်တန့်မသွားဘူး။
(ဒါဟာလည်းအီနားရှားကြောင့်မဟုတ်ဘူး)သူငယ်ချင်းတွေနဲ့မိတ်ဆက်မပေးရဘူး။သူငယ်ချင်းတွေကလည်း
ဝိုင်းပြီးမစနောက်ကြဘူး။ကော်ဖီအတူတူမသောက်ဘူး။ကော်ဖီအတူတူမသောက်ဖြစ်ဘူး။မုန့်အတူတူမစားဘူး။
မုန့်အတူတူမစားဖြစ်ဘူး။အလိုက်တသိကို အလိုက်တသိယူမပေးမိဘူး၊မှာမပေးမိဘူး၊ဖြစ်မနေခဲ့ဘူး။
ဘာကိစ္စပဲဖြစ်ဖြစ်ကျွန်တော်ကသူမအတွက်၊သူမကကျွန်တော်အတွက်အဆင့်သင့်ဖြစ်မနေဘူး။
မနက်မှာဖုန်းဆက်မနှိုးဘူး။ဖုန်းချပြီးထပြီထပြီဆိုပြီးပြန်မအိပ်ဘူး။တစ်ယောက်ဖုန်းအချကိုတစ်ယောက်
စောင့်မနေခဲ့ဘူး။ပြိုင်တူဖုန်းချမယ်လို့မပြောကြဘူး။မနက်ဖြန်တွေကိုတွေးမနေဘူး။ဒီနေ့အကြောင်းကို
စဉ်းစားမနေဘူး။မနေ့ကအကြောင်းတွေသတိမရဘူး။နာမည်ကိုစာအုပ်အပြည့်လျှောက်မရေးကြဘူး။
ဝက်ဝံရုပ်ကြီးဖက်ပြီးစိတ်ကူးမယဉ်ကြဘူး။တစ်ယောက်တည်းပြုံမနေတတ်ဘူး။အိပ်မက်တွေမမက်ဘူး။
မွေးနေ့မှာလက်စွပ်တစ်ကွင်းလက်ဆောင်မရဘူး။မွေးနေ့ကိုမှတ်မိမနေဘူး။မွေးနေ့မှာအညိုရောင်
အမွှေးကောက်ကောက်ဝက်ဝံရုပ်တစ်ရုပ်လက်ဆောင်မပေးဘူး။မွေးနေ့ကိုမှတ်မိမနေဘူး။
ကိတ်မုန့်တစ်လုံးမလုပ်ပေးဘူး။ချစ်လှစွာသောစာသားရေးမထားဘူး။ကိတ်မုန့်တွေနဲ့တစ်ယောက်
မျက်နှာတစ်ယောက်မကျီစယ်ကြဘူး။ရှိုးပွဲအတူတူမသွားဘူး။သီချင်းအတူတူလိုက်မဆိုကြဘူး။
ညနေနေ၀င်ချိန်တွေအတူတူထိုင်မကြည့်ကြဘူး။ကြယ်တွေအကြောင်းမပြောဘူး။
ရင်ဘတ်ထဲမှာမှီမထားဘူး။သီချင်းအလိုက်တခုခုကိုတိုးတိုးလေးညည်းမနေဘူး။တိမ်တွေက
လွမ်းစရာကောင်းလောက်အောင်လှမနေဘူး။ဖုန်းတွေတစ်ညလုံးမပြောဘူး။ဖုန်းမအားရင်
ရင်တွေမပူဘူး။နေမကောင်းရင်ခြေမကိုင်မိလက်မကိုင်မိမဖြစ်ဘူး။နေမကောင်းမဖြစ်ဘူး။
ခရီးတစ်ခုအတူတူမသွားကြဘူး။မိဘတွေကမတားမြစ်ကြဘူး။အစီအစဉ်တွေမဆွဲကြဘူး။
သဲထိတ်ရင်ဖိုစွန့်စားခန်းတွေမပါဘူး။အကြောင်းတခုခုကိုဖန်တီးပြီးမလိမ်ကြဘူး။
ခုံနံပါတ်အတူတူမထိုင်ကြဘူး။သီချင်းတစ်ပုဒ်ကိုနားကျပ်တစ်ဖက်စီတပ်ပြီးနားမထောင်ကြဘူး။
အဲ့ဒီမြို့ကိုရောက်မသွားဘူး။ဝိုင်မသောက်ကြဘူး။လမ်းမလျှောက်ကြဘူး။လက်နှစ်ချောင်းထောင်ပြီး
ဓာတ်ပုံတွေမရိုက်ကြဘူး။ရုပ်ရှင်သွားမကြည့်ကြဘူး။နေကြာစေ့တွေအခွံမခွာကြဘူး။အခန်းမျက်နှာကျက်
ကမီးလုံးကိုကြယ်တွေလို့ပြောပြီးမရီကြဘူး။နှစ်ယောက်လုံးမျက်လုံးတွေမှေးစင်းမသွားဘူး။
အပြာရောင်လှိုင်းတွေခန်းလုံးပြည့်တုန်ခါမနေဘူး။အိမ်ကိုပြန်ရောက်မလာကြဘူး။ကျွန်တော်က
ပြောင်းလဲမလာသလိုသူမကလည်းမပြောင်းလဲလာဘူး။လမ်းခွဲခြင်းမှာတိကျသေချာပြီးသား
ဆင်ခြေတွေမလိုဘူး။နာရီတွေမ၀တ်ကြတော့ဘူး။နာရီတွေမတိုက်ကြတော့ဘူး။မီးနဲ့ဝေးမသွားပေမယ့်
ကျွန်တော်တို့ဟာချိပ်တွေမဟုတ်ကြဘူး။ငေးမောစရာနောက်ခံတေးဂီတဖွင့်မထားဘူး။
တစ်ယောက်နဲ့တစ်ယောက်မျက်နှာချင်းဆိုင်ရပ်မနေကြဘူး။လေဟာနဂိုထက်ပိုပြီးငြိမ်သက်မနေဘူး။
နေ့တွေရောက်မလာဘူး။ညတွေပျောက်မသွားဘူး။တစ်ယောက်နဲ့တစ်ယောက်ကျောခိုင်းရပ်မနေကြဘူး။
နားလည်မှုတွေမရှိသလိုနားမလည်မှုတွေလည်းမရှိဘူး။ဒိုင်ယာလော့လှလှလေးတွေထွက်ကြမလာဘူး။
“ကံကောင်းပါစေ”လို့တစ်ယောက်ကိုတစ်ယောက်ဆုမတောင်းပေးကြဘူး။မီးရှို့ပစ်လိုက်တဲ့ဓာတ်ပုံတွေ
မီးမလောင်သွားဘူး။ကံကြမ္မာမှာထောင့်ချိုးတွေမရှိဘူး။နံရံမှာနားတွေမရှိဘူး။ပတ်ဝန်းကျင်မှာစကားလုံးတွေ
မရှိဘူး။ပါးစပ်တွေမှာကောလဟလတွေမရှိဘူး။ဒေါင့်နှစ်ထောင့်ပေါင်းစည်းခြင်းတြိဂံမှာတတိယထောင့်မရှိဘူး။
မင်းသားမရှိဘူး။မင်းသမီးမရှိဘူး။ဖြတ်လျှောက်မရှိဘူး။အရန်မရှိဘူး။ဗီလိန်မရှိဘူး။ပြဇာတ်ဟာတကယ်မရှိခဲ့ဘူး။


တယ်ရီ

Posted via Blogaway