အရုပ်ကလေး

ဆေးလိပ်မီးခိုးနံ့ နဲ့ မီးခိုးရောင် အငွေ့အသက်တွေဟာ ဒီအခန်းရဲ့ ပုံမှန်အခြေအနေပဲ။သူ့အခန်းကို
ဘာမှ ထွေထွေထူးထူး စူးစမ်းမနေပဲ မီးဖွင့်ပြီး ၀င်လာလိုက်တယ်။ပြီးတော့ စားပွဲပေါ်က ရေဘူးဆီကို
တန်းတန်းမတ်မတ် လျှောက်လာလိုက်တယ်။ဖင်ကပ်သာကျန်နေတဲ့ရေကို မော့ချလိုက်သော်လည်း
အေးမြတဲ့စီးဝင်မှုကိုမပေးနိုင်ဘူး။တနေကုန် ပူထားတဲ့အရှိန်နဲ့ နုန်းခွေနေတဲ့ရေဟာ လည်မြိုတလျှောက်
စီးဆင်းသွားတယ်။ဘာပဲဖြစ်ဖြစ်ပါ။သောက်ရေအိုးထဲကရေကိုပဲ တိမ်ပြီးခပ်သောက်လိုက်တယ်။
ညစာစားချင်စိတ်လည်းမရှိ။ရှိလည်း ဘာမှအဆင်သင့်မရှိ။အိပ်ရာပေါ် ခြေပစ်လက်ပစ် လှဲချလိုက်ပြီး
မျက်လုံးတွေမှိတ်ထားလိုက်တယ်..။အရုပ်လေး……။သူဘာကြောင့်မေ့နေခဲ့သလဲ။သူပြုံးပြလိုက်တယ်။
စောင့်နေရတာကြာပြီလား။ဘာမှပြန်မဖြေ။ဒီနေ့သူနောက်ကျ၍ အရုပ်လေး စိတ်ဆိုးနေတာလား။
အရုပ်လေးကို ဘယ်လိုချော့ရမလဲ။ခင်ဗျားတို့ကော ခင်ဗျားတို့ ချစ်သူနဲ့စိတ်ကောက်နေတဲ့အချိန်ဆို
ဘယ်လိုချော့သလဲ။မဟုတ်ဘူး ဘယ်လိုချော့ဖို့စဉ်းစားသလဲ။ဆောရီး ကျုပ်စောက်ပိုတွေမေးနေမိတယ်။
ဘယ်လိုပဲဖြစ်ဖြစ် အဲ့စောက်ပိုတွေကိုပဲ ကျုပ်တို့ ၀တ္တရား လို့ခေါ်ကြတယ်မလား။ထားပါတော့။
ဒါနဲ့ကျုပ်လည်းအရုပ်လေးရဲ့နဖူးကိုညင်ညင်သာသာလေး နမ်းလိုက်မိတယ်ထင်တယ်။
အရုပ်လေးပြုံးယောင်သမ်းသွားတယ်။ဒါဆို စိတ်ဆိုးပြေပြီပေါ့ ဟုတ်လား။ဒါနဲ့ပဲ ခင်ဗျားထင်တာက
ကျုပ်ကအရုပ်လေးကို ရင်ခွင်ထဲဆွဲထည့်လို့ အရုပ်လေးကလဲ အလိုက်သင့် မှီလျော့လို့ အဲ့လိုလား။
မဟုတ်ဘူး။အရုပ်လေးရဲ့ ကိုယ်ပိုင်အရေပြားပေါ်ကို ကျုပ်ဘယ်တုန်းကမှ ကိုယ်ထိလက်ရောက်
မကျုးကျော်ဖူးဘူး။ခင်ဗျားကျုပ်ကိုကြည့်နေတယ်။ကျုပ်သိပါတယ် စောစောက နဖူးကိုနမ်းလိုက်တယ်
ဆိုတဲ့ကိစ္စမလား။ဒါဟာ ခင်ဗျားကို ရှင်းပြရမှာ ရှုပ်ထွေးတယ်။ကျုပ်ရှင်းပြလိုက်လို့  ခင်ဗျားနားလည်သွားတယ်
ပဲထားဦး တကယ်တော့ ခင်ဗျားနားမလည်ပါဘူး။တယ်လီပသီ ဆိုတာကြားဖူးလား။ကျုပ်လည်း
ကြားဖူးနားဝပါပဲ။မေးတယ်ဆိုတာကလည်း စကားလုံးတစ်ခုအနေနဲ့ ကြားဖူးလားဆိုတာပါပဲ။
ကြားဖူးသည်ဖြစ်စေ မကြားဖူးသည်ဖြစ်စေ ဒါဟာသိပ်အရေးပါလှတဲ့ကိစ္စတော့မဟုတ်ပါဘူး။
အရုပ်လေးဟာ ကျုပ်ဘေးမှာထိုင်နေတယ်။အရုပ်လေးကို ကျုပ်ချစ်တယ်လို့  တခါမှမပြောဖူးသလို
အရုပ်လေးကလည်း ကျုပ်ကိုချစ်တယ်လို့တခါမှမပြောဖူးဘူး။ဒါပေမယ့် အရုပ်လေးလဲသိတယ်။
ကျုပ်လည်းသိတယ်။ဘာကိုသိတယ်ဆိုတာလည်း ကျုပ်တို့တယောက်ချင်းပဲသိတယ်။ခင်ဗျား
ဘာကိုသိချင်နေတာလဲ ဆိုတာကိုပဲ ကျုပ်တို့မသိတာ။ပင်ပန်းတယ်လို့တော့ဘယ်ဟုတ်မလဲ
အရုပ်လေးရယ်..။ကိုယ်တို့ဟာ ဘုရားသခင်ရဲ့ကျွန်တွေပဲ။အဲ့ဒီထဲက တချို့ကျွန်တွေကို
ကိုယ်သိပ်သနားတာပဲ။သူတို့ဟာစားစရာတွေရောက်လာလို့ စားချိန်တန်ပြီဆိုတဲ့အခါ
အဲ့ဒီထဲကတ၀က်ကိုစုဗူးထဲပြေးပြေးစုကြတယ်။ကိုယ်ကတော့ အကုန်စားပစ်လိုက်တယ်..ဟားဟား။
နေဦး ….ဆက်ပြောပြမယ်။တနေ့ကတော့ တစ်ယောက်က သူ့စုဗူးကိုခွဲဖို့လုပ်နေတဲ့အချိန်မှာ
ကိုယ်ရောက်သွားတယ်။အဲ့ဒီအချိန်မှာ သူကကိုယ့်ကိုယ်တစ်ချက်လှမ်းကြည့်တယ်။
ဘာကိုဆိုလိုတယ်ဆိုတာတော့ကိုယ်မပြောပြတော့ပါဘူး။ဆိုလိုခြင်းဆိုတာ တိကျခြင်းလို့မှ
ပြန်ဆိုလို့မရတာ။နောက်တချိန်မှာ နောက်ဆိုလိုခြင်းတစ်ခုဖြစ်နေမှာပဲလေ။ပြီးတော့သူက
သူ့စုဗူးကိုခွဲလိုက်တယ်။ဒါပေမယ့်သူထင်ထားသလိုဖြစ်မလာပဲ သူ့စုဗူးထဲက ထမင်းဟင်းတွေဟာ
သိုးပုတ်လို့။သူကိုယ့်ကိုယ်တစ်ချက်ထပ်ကြည့်တယ်။အဲ့ဒီအရာတွေကိုလည်း ဒါဟာသူ့ရဲ့ဟာတွေ
မဟုတ်ပါဘူးဆိုပြီးတော့ ကပျာကယာ ကောက်သိမ်းလိုက်တယ်။အဲ့ဒီနေရာမှာကိုယ်သူ့ကို
ရယ်လိုက်မိသလား။မရယ်ပါဘူး။ကိုယ်တော်တော်သနားသွားတယ်။သနားတယ်ဆိုတာ
ကိုယ်လည်းသေသေချာချာတော့မသိဘူး ဒါပေမယ့်သနားမိသွားတာပေါ့။
ခင်ဗျားကောဒါကိုဘယ်လိုမြင်လဲ။မပြောပြလည်း ကိစ္စတော့မရှိဘူး။ခင်ဗျားမှာအမြင်တစ်ခုခုတော့ရှိမှာပါ။
မရှိဘူးဆိုလည်း ခင်ဗျားမှာ မရှိဘူးဆိုတဲ့အမြင်တစ်ခုခုရှိနေတာပဲလေ။အရုပ်လေးကိုကြည့်လိုက်တော့
အရုပ်လေးရဲ့အမြင်တွေကြားနေရတယ်။သူကအရုပ်လေးပဲလေ။ခင်ဗျားကတော့အရုပ်လေးမဟုတ်ဘူး။
ခင်ဗျားပျင်းနေပြီလား။ဒါဆို နောက်ကြုံမှတွေ့ကြတာပေါ့။ဟိုမှာအရုပ်လေးတောင်အိပ်ပျော်နေပြီပဲ။
ခင်ဗျားမှာအပေါဆုံးကအံအားသင့်ခြင်းတွေလား။ခုနက မအိပ်သေးဘူးမှန်ပေမယ့် ခုအိပ်ပျော်သွားပြီလေ။
ခင်ဗျားဟာ အမြဲတမ်း သူ့ဟာသူရွေ့လျားနေတဲ့အရာတွေကို လိုက်အနက်ကောက်နေတယ်။
စိတ်ထဲမထားပါနဲ့။စောစောကတည်းက ဒီနေရာမှာ ခင်ဗျားတစ်ယောက်တည်းရှိနေခဲ့တာမဟုတ်ဘူးလား။
စဉ်းစားပြန်ပြီ။ဘာတွေဒီလောက်တောင်လောနေသလဲ မိတ်ဆွေရာ…ဖြည်းဖြည်းပေါ့။မနက်ဖြန်ဟာ
ကုဒ်နံပါတ်တွေမလိုပါဘူး။အစီအစဉ်တကျပဲဖြစ်ဖြစ် အစီအစဉ်မကျပဲဖြစ်ဖြစ် ရောက်လာမှာပါ။



တယ်ရီ
29.8.2013
947pm

Posted via Blogaway